DHA Press - İncəsənətə siyasi təzyiqlər olmamalıdır

Baku Network ekspert platformasında “Tofiq Abbasovla dialoq” analitik verlişinin yeni buraxılışı yayımlanıb. Trend xəbər verir ki, verilişin bu dəfəki qonağı Azərbaycan Dövlət Akademik Teatr, Opera və Balet Teatrının tanınmış baş dirijoru, Azərbaycanın əməkdar artisti Eyyub Quliyev olub. “Onlar bizim musiqiçilərin inanılmaz səviyyə nümayiş etdirdiyini, prestijli müsabiqələrdə və beynəlxalq quruluşlarda iştirak etdiklərini gördükdə, buna qarşı çıxmağın mümkünsüz olduğunu anlamış olurlar”, - deyə Quliyev bildirib. Maestro erməni tərəfinin nümayəndələrinin ifa olunan Azərbaycan musiqisini boykot etmək cəhdlərindən də söz açıb, ancaq bu kimi hallar bir daha onların Azərbaycanın real mədəni üstünlüyü qarşısındakı qorxularından xəbər verir. “Bu yaxınlarda bir erməni musiqiçi Azərbaycan musiqisini ifa etməyəcəyini bildirərək, Sofiyada konsertdə iştirak etməkdən imtina etmişdi. Nəticədə bütün orkestr çıxış etməkdən imtina etdi. Onlar bəlli olan bir şeyi qəbul etməkdən qorxurlar”, - o deyib. Ancaq tam fərqli misallar da var – məsələn elə hallar olub ki, konsertdən sonra erməni musiqiçilər dirijora yaxınlaşaraq ondan Əmirov və Qarayevin əsərlərinin notlarını istəyiblər. “Ümidvaram onlar həmin əsərləri özünkiləşdirmək niyyətində deyillər”, - deyə maestro gülümsəyərək qeyd edib ki, amma təkcə onları musiqimizə maraq göstərməsi faktı özlüyündə çox şeydən xəbər verir. Quliyev eyni zamanda, incəsənət sahəsinə siyasi təzyiqlərin olması probleminə də diqqət çəkib. O qeyd edib ki, bəzi ölkələr erməni lobbisini razı salmaq üçün azərbaycanlı artistlərə qarşı qeyri-peşəkar və ədalətsiz mövqe tuturlar: “Biz hətta Azərbaycanı dəstəkləyən bəzi dövlətlərin birdən-birə mədəni ədalət yox, siyasi maraqların diktə etdiyi qərarlar qəbul etdiklərini görürük”. Onun sözlərinə görə, incəsənət siyasətdən kənarda qalmalıdır, ondan təzyiq aləti kimi istifadə etməklə bağlı istənilən cəhd əksinə gərginliyi artırmış olur.

Trend News Agency/323 images

İncəsənətə siyasi təzyiqlər olmamalıdır

Image type MP4
Published March 12, 2025
Views 23
Downloads 0

1920x1080 | $20.00 USD

Keywords

Share

Related Photos

Give Thanks!